Mizoram sorkara Finance department leh Reserve Bank of India (RBI) hnuaia Department of Non-Banking Supervision-te chuan Thawhlehni kalta khan I&PR Conference Hall-ah bank ni lo, sum pûkna chi hrang hrangte khuahkhirh dan tur zirna an buatsaih a; Chief Secretary Pu Van Hela Pachuau chuan, Mizoramah company suak 21 an la awm thu a sawi a, hmun ualau tak, a bikin Aizawla Zarkawt velah an inbun deuh vek thu a sawi a; chu'ng company neitu tam zawkte chu Mizoram páwn atanga lo kal an nih thu leh, Mizoram chhunga hna an thawhna turin Mizote'n an puih nasat thu a tarlang a, kan fimkhur loh leh kan duhâm luat avang hian dâwt hmangin awlsam takin min bum thin tih a sawi a ni. Company lemte vangin Mizoram chhunga bank-te pawhin harsatna an tawh phah thu leh, chak lehzuala hma lâk a tul thu a sawi bawk.
Hemi chungchangah hian Bank pangngai te hian tih tur an nei. Mipui hamthatna tura scheme leh programme an puangzar chak tawk lova, mamawhtu tam takin thil an hriat tawk loh avangin Bank suak leh Company suak nia kan sawi te hi an bêl ve bawk a ni. Bank a thawk ho te pawh hian mipui an dawngsawng ţha tawk em tih leh Bank-a counter tina thawkte hi mipui tan dawr fo an chakawm em tih pawh hi chhut ve a ngai a, Bank suakin Bank pangngai te tana harsatna a thlen mek lai hian Bank pangngaia thawkte hian an mahni dawrtu, mipuite tan tanpuitu leh kaihruaitu tha an ni em tih pawh hi an inenfiah ve a ngai tho mai. Thawk khat lai khan Bank thenkhata thawktute dawr an hrehawm thin tih hi a ri ring hle a, sorkar Department thenkhat nen ţang kawpa loan pek chhuah tur chungchangah pawh thawhhona a tha tawk lo tih thawm hriat tur pawh a awmţhin a ni.
Bank-a account hawn te, pawisa dah te, lak chhuah leh loan lak chungchangah Bank lamin dik tak leh tha taka tih an duh thin a, chu chu mipui lam pawhin kan tlin ve pawh a ngai a, chutih rual erawh chuan thingtlang mi, lehkha thiam lo leh mimawl zawk te pawhin Bank an dawr a ngai fova, Bank-ah hian tih neuh neuh tur a awm a, saptawng leh Hindi tawnga ziak form hman a lo ni lo thei bawk si lova, chungtiang ti thiam lo te kaihruaia tanpui tur chuan Banka thawk te’n rilru zau tak pu chunga an dawn sawn a ngai a ni. Nikum maia sorkar sum lapse chungchangah pawh khan mi thenkhat chuan Bank hotute’n hriatthiamna nei thu deuh hlek sela chuan, harsatna tam tak kha pumpelh theih a nih an ring a ni.
Chuvangin Bank pangngai te hian an mahni chauh dawr tura mipui an beisei chuan mipuite tana thawhpui nuam leh tlukluhna tlak an nih ve ngei chu a ngai a, loh theih lohva dawr an ngaihna tam tak a awm mek a, chungah te chuan thawhpui an nuam em tih pawh an inenfiah a tul khawp mai.
A dik lutuk, kan rama Bank hnathawkte hi an in enchian deuh chu a ngai a ni.. An hnen atanga thil ti tur a buaife ai chuan, heng Bank lem nia sawite awlsam taka chhawr tangkai mai chu Bank lem leh lemlo hre lo tan phei chuan awl tak tur a nia. Engemaw han ti dawn ila, Bank-ah in kal anga, Scheme, Loan etc. te inla anga an ti sam et a. Han kal chiah ila, a lo har viau si. Tunah hian mi rethei tam tak chuan a pung sangtak awmin mi hausate pawisa an puk a, an rul leh ve thei tho bawk.. Bank ah erawh a har viau.. Bangladesh-ah chuan Beggar loan te a awm an ti. Bank hnathawkten an vil tha a, a loan kalphung an hrilh chiang a, an rul tha ve viau a ni tih kan Bank lam mithiam, Bangladesh a Microfinance chung chang zuk zir chiang in a sawi tlat.. Mizoramah pawh a theih ve tur chu a ni????
ReplyDeleteBank te hi dawrkai/sumdawng an ni. Mizoram/India ah hian tinge a dawrtu te hian kan tlawn zawk? Dawrtu avanga damchhuak mai an ni asin. Mipui, an member/account nei te hi tanrual dan hria ilang chuan, an thu ni lovin, 50/50 emaw pawn a dawrtu te nen remsiam a theih ngei ang.
ReplyDeleteAxis Bank din tirh lam khan ka dawr a, an fel khawp mai.Mahse; kum 4 hnuah ka dawr leh chuan a dan a dang zar mai. Hman an ang ta lo.
ReplyDeleteKan mizoram Bank employee ho hi chuan zir tur an la ngah khawp mai. Customer Care bikah hian.
ReplyDeleteA chnga in thu ziah khi ava tha hlawm teh lul em. Ni e, keini mi hosa sa tan lo phei hi chuan Bank Loan te hi a lo har em a ni hi, a lo neinung hmasa leh hosa te bawk hian an awlsam. Company nenea in dawrin Project felfai tak nen SBI ka dawr a, Regional lam chuan min bialtu lam branchah min FORWARD a , mahse an manager in min hmu tha duh hauh lo nia. BANK ho hi an inzawrh ang chu an ni hauh lo, dawr an hrehom em mai , an customer te tanga nung ve mai an ni si a, an inhre lo emaw ni le
ReplyDelete